Медицинските служби ќе дежураат за празничниот викенд, но да не се претерува со храна и алкохол
Објавено во: Македонија 13 Април, 2017
Граѓаните треба да бидат сигурни дека за време на претстојниот празничен викенд ќе имаат на располагање и дежурни медицински екипи, но од здравствените институции апелираат да се внимава со внесувањето на храна, особено за тие кои подолго време постеле и секако да не се претерува со алкохолот што може да донесе многу последици.
Службите на Здравствен дом Скопје за претстојните празнични денови ќе обезбедат 24 часовна здравствена заштита преку дежурните ноќни пунктови во поликлиниките Идадија, Ченто, Чаир, Ѓорче Петров, Бит пазар, Јане Сандански, Шуто Оризари и Драчево.
Во сабота, како што информираат од Здравстевн дом, од 8 до 16 часот дежурна специјалистичка служба ќе има во Поликлиника Букурешт. За време на празниците ќе има 24-часовна покриеност од Службата за итна медицинска помош, а редовно ќе работи и Службата за домашна посета.