Машиновозачите штрајкуваат со глад
Објавено во: Економија 23 Септември, 2015
Синдикатот на машиновозачите по 10 дена бојкот на работата, од денеска ќе почнат штрајк со глад. Тие се револтирани бидејќи не земаат редовно плата и бараат исплатата да им се врши во целост, а не на делови.
Одлуката за бојкот со штрајк дошла откако раководството не само што не им ги исплатило платите, туку и им забранило да одржуваат состаноци во синдикалните простории.Тие објавија пароли ,,Штрајк со глад” на влезот од железничката, за да го привлечат вниманието од надлежните, бидејќи како што велат раководството на Македонски Железници не се интересирало за нивниот проблем.
Додека машиновозачите штрајкуваат, на нивно место се ангажирани пензионири кои работат хонорарно.
Директорот на МЖ не го коментира незадоволството на вработените. Машиновозачите пак, најавија дека бојкотот со глад од петок ќе го продолжат пред владата и собранието.