Maкрон е за „Европа во две брзини“ - кој е за, а кој против?
Објавено во: Свет 10 Мај, 2022
Двајца европски лидер се за „конфедерација“ на ЕУ со Западниот Балкан.
Францускиот претседател Емануел Макрон ја има поддршката од Италија за создавање „европска политичка заедница“. Таа на државите од Западниот Балкан, Грузија, Молдавија и Украина би им овозможила економски да ѝ се приклучат на Европската Унија ако ги почитуваат европските вредности, објави францускиот весник Монд.
Макрон ја има поддршката од италијанскиот премиер Марио Драги за предлогот за формирање „европска политичка заедница“, со што би била создадена „Европа во две брзини“.
Макроновиот предлог привлече внимание во јавноста и во медиумите во ЕУ, но се укажува и дека германскиот канцелар Олаф Шолц, по вчерашниот разговор со францускиот претседател во Берлин, укажал дека тоа е „многу интересна идеја имајќи ги предвид големите предизвици“ со кои е соочена Унијата.
Кај украинските власти има разочарување и ако не добијат статус кандидат, ќе сметаат дека ЕУ ги измами. Франција и претходно се залагаше за реформи во ЕУ, пред да примаат нови членки.