Макпромет го заслужи името во првиот квартал - добивката речиси двојно зголемена
Објавено во: Економија 18 Мај, 2017
Aкционерското друштво Макпромет од Штип кое управува со повеќе друштва со ограничена одговорност го оправда името со тројно зголемување на прометот во првите три месеци од годинава и додека многу други компании од трговијата имаат слаби резултати со намалена продажба, Макпромет бележи одличен раст гледано според објавениот неконсолидиран финансиски извештај на Македонска берза.
Во К1 2017 Макпромет АД успеа значително да ги зголеми приходите од продажбата кои сега изнесуваат 20,9 милиони денари што е одличен резултат ако се спореди со првиот квартал од 2016-та кога продажбата вредела само 6 милиони денари.
Кога од бруто добивката ќе се одземат оперативните расходи кои вредат 14,9 милиони денари се добива нето неоданочена добивка од 5,8 милиони денари. Тоа е за речиси 40% повеќе од истиот квартал во 2016-та, кога оперативната добивката изнесувала 3,6 милиони денари.
За доброто работење на Макпромет сведочи и трошоците за плати на вработените кои сега изнесуваат 4,1 милиони денари, а за споредба во К1 2016-та за вработените биле издвоени само половина милион денари.
Најголеми издатоци Макпромет има за трошоци за суровини и други материјали во кои било вложено 7.1 милион денари. Макпромет нема ниту долгови за камати, па така финансиските расходи се 0 денари.
Макпромет АД Штип денес е индустриска компанија која настапува на домашниот и странскиот пазар со широк асортиман на производи. Во своето портфолио имаат конфекција, пекара, печатница, а издаваат и станбен простор.
Х.С.