Македонските работници половина од платата ја земаат на рака
Објавено во: Економија 13 Октомври, 2015
Македонија е лидер во Европа по ниво на сива економија. Нивото на скриена економија во државата зафаќа од 24 до 47 отсто од бруто-домашаниот производ.
Сивата економија ја оштетува државата со околу 3,5 милијарди евра на годишно ниво.
Главни причини за високото ниво на сива економија во земјава се невработеноста, недовeрбата во Владата и даночниот систем, посочија денеска учениците на трибината „Справување со скриена економија“.
Дури 40 отсто од платите во Македонија, на работниците им се исплаќа на рака, а останатиот дел на транскакциона сметка, покажува Истражувањето на Центарот за истражување и креирање политики.
Околу 21,6 отсто од испитаниците на анкетата рекле дека повеќе би сакале да работат непријавени, ама за повисока плата.
Од анкетираните фирми 39 отсто одговориле дека високото даночно оптоварување е третиот најважен фактор за постоење на сивата економија, веднаш по корупцијата и желбата на бизнисмените за брзо збогатување.
Учесниците на трибината посочија дека за да се намали стапката на сива економија потребно е да се зголеми економскиот раст, довербата во институциите и да се намали невработеноста.