МАКЕДОНСКИ ПРОСЕЧНИ ПЛАТИ: Само Африканците можат да ни завидат

Добивај вести на Viber

Во многу земји во светот има ниски просечни плати, се живее многу тешко, работа едвај се наоѓа, а стандардот е полош и од македонскиот.

Просечната месечна исплатена нето-плата по вработен, во ноември 2018 година, изнесува 24 548 денари, oбјави деновиве Државниот завод за статистика.

Ако се погледнат статистики, Македонија има подобра просечна плата од некои земји од Африка, Азија. Но, Македонија е далеку од Европа каде просечните плати се високи. 

Eден Индиец месечно заработува по 152 долари во просек, 132 зема работник во Пакистан, 124 во Гана, 123 во Бангладеш, 120 во Кенија, 62 во Етиопија, 48 во Авганистан, 38 во Конго, 33 во Мадагаскар. Сирија има просечна месечна плата од 153 долари, Нигерија 173, Виетнам 181, Украина 199, Мароко 239 долари. Во Египет земаат по 251 долар месечно во просек, во Индонезија 295, Филипини 305, Шри Ланка 320, покажуваат податоците од WorldData сумирани за 2017 година.  Овие земји се на дното, но над нив се редат балканските, односно нашите соседи кои исто така се сиромашни.

табела - приказ колку се заработува во просек годишно и месечно

„Работа многу тешко се наоѓа, има могу народ, а малку можности. Овде лекарите се добро платени, а професорите не можат да се пофалат со добра заработка. Тешко е, но ќе биде подобро се надевам, само треба време“, вели Асиа Канвал, студентка од Лахоре, Пакистан.

Во најголемата независна држава на африканскиот континент Алжир, која во минатото била француска колонија, денес населението живее сиромашно, а имаат плати помали дури и од македонските.

Со примањата ако се споредат, тие се зад Македонците, но и многу далеку зад Французите чиј јазик го говорат. Во просек, просечната плата во Алжир е 240,9 евра. Овие податоци произлегуваат од просечната просечна плата пријавена од интернет корисници кои живеат во земјата. Разликата со просечната плата во Франција е 87%, пишуваат медиумите. Еден механичар во оваа земја, вели дека заработува месечно по 100 евра и признава дека малку може да се купи со тие пари.

„Имам 43 години и работам како механичар. Нашата земја е сиромашна. Ако кај вас за едно евро може да се купат три леба, тогаш тоа е повеќе од она што можеме да го купиме ние“, вели нашиот соговорник од градот Сетиф кој е универзитетски центар во земјата.

Ферки Аблделхам, лекар од истата земја додава дека за медицинскиот персонал е добро, но оние кои немаат високо образование, многу помалку заработуваат.

фото golegal