Македонски град со 16.000 жители ќе се изначека за да добие нотар
Објавено во: Економија 05 Јуни, 2018
Радовиш, град со 16.000 ќители, ќе чека до другата година за да добие услуги од локален нотар поради незавршените процедури и законски регулативи. Речиси половина година радовишани се без нотар заради заминување на единствениот нотар во пензија.
За било какво услуги ќе мора и понатаму да патуваат во Струмица, бидејќи во меѓувреме во Министерството за правда нема формирана комисија, ниту, пак, база на прашања.
Заменик министерот за правда, Оливер Ристовски, тврди дека во моментов нема услови за распишување конкурс, но и услови за полагање за нотар.
„По донесувањето на законот 2016 година Министерството за правда во тоа време не направило база на прашања, база на студии на случај со претходно формирање на Комисии од експертската јавност кои ќе ги формира овие бази. Од тие причини во моментов е невозможно да се распише конкурс за нотар, но невозможно е да се распише конкурс и за полагањето на нотарскиот испит. Јас се надевам во најкраток можен рок дека ќе биде готово и веднаш ќе бидат објавени огласите за полагање на конкурскиот испит и конкурсот за избор на нотар“ изјави заменик министерот за правда, Оливер Ристовски.