Добивај вести на Viber
На Македонија и требаат 30 години за да се приближи до животниот стандард на Европската Унија, но само ако земјата остварува натпросечен раст.
Во следниве години економскиот раст на Македонија треба да досигне 4,5 отсто, а на земјите во Унијата да биде 0,5 отсто. Ова е наведено во последниот извештај на Светска банка.
Во однос, на невработеноста Светка банка забележува намалување, но сепак Македонија останува лидер во Европа по невработеноста на млади луѓе.
Во извештајот е потенцира дека јавниот долг на државата е дуплиран од 2008 година и има тенденција на раст во иднина. За покривање на буџетски дефицит, според буџетот за 2016 година, владата планира да ја издаде 4-та по ред еврообврзница. Според Светската банка Македонија се уште има простор да се задолжува, но поважно е прашањето за што се трошат парите од задолжувањето.
„Најбитно е за што се задолжувате. Ако земјата се задолжува за отворање нови работни места и зголемување на економскиот раст, тоа е продуктивно, но ако се задолжува за плати во јавниот сектор, тоа секако не е“, изјави директорот на канцеларијата на Светската банка во Македонија, Горан Тиниќ.
Светската банка сугерира власта да ја забрза економската активност и фирмите да пораснат барем за 6 отсто.
Покрај, тоа дека неопходно е да се создаваат нови работни места во приватниот сектор, бидејќи е забележано дека БДП по жител сега е само една третина од европското ниво.
Главни предизвици на земјава, од Светката банка се посочени решавање на политичката криза, структурни реформи, намалување на фискалниот дефицит, ефикасност во трошењето, намалување на сиромаштијата и невработеноста.