Македонците далеку од долговите кон банките во споредба со Грците, Французите и Холанѓаните, но одат во таа насока
Објавено во: Економија 31 Јули, 2018
Македонија е се уште далеку од презадолженоста која домаќинствата и претпријатијата ја имаат кон приватните банки во развиениети европски земји, но според евиденцијата на Светска банка, тековите на приватниот сектор одат во таа насока.
Во 2017-та во Македонија кредитите кои поединците и фирмите ги подигнале изнесуваат 49,4 отсто од нашиот БДП. Според податоци од Светската банка, во 2003 година кредитите од банките кон приватниот сектор изнесуваат само 17,5 проценти од националниот БДП. По оваа година има брз раст до 2012 година, кога како кредити од банките кон приватниот сектор издадени се пари кои се 47 отсто од БДП.
Во Европа Кипар е државата каде кредитите кон домаќинствата и фирмите се убедливо највисоки во однос на националниот БДП или лани биле 202 проценти, додека во Грција се 100 отсто, а во Холандија се 111 проценти. Во Австрија заемите на финансиските институции биле 84 проценти, а во Франција 101,6 отсто од БДП. Во Германија кредитите се 77 отсто од германскиот БДП.