Литературна манифестација „Илинден 2015“
Објавено во: Мои пари 08 Мај, 2015
Општина Илинден, во насока на промовирање на современите културни достигнувања, од 11 до 16 мај 2015 година во Домот на култура „Илинден“ ќе ја организира 16. Литературна манифестација „Илинден 2015“.
Свеченото отворање на манифестацијата ќе се одржи на 11 мај со почеток во 19:00 часот, а централниот настан - Поетскиот митинг „Стихови за душата“ ќе се случи на 15 мај со почеток во 19:00 часот, со настап на дваесет и пет писатели од Македонија и од балканските држави.
Во рамките на манифестацијата во Домот на култура „Илинден“ од 11 до 16 мај ќе се одржи саем на книгата под мотото „Денови на книгата“, каде што љубителите на пишанот збор ќе можат да најдат богат избор на книги и да се запознаат со најновите изданија.
Манифестацијата ќе биде збогатена со промоција на антологијата „Светиот пат“-поезија од балканските народи од Раде Силјан, промоција на романот „Бездомник со златен часовник“ на Верче Каранфиловска, како и промоција на книгата „Слики“ со портрет на Гордана Михаилова Бошњаковска. Во рамките на манифестацијата ќе се одржи средба со писателот Стојан Тарапуза по повод изборот од неговата поезија под наслов „Од изгрев до залез“, како и литературна средба со писателот Велко Неделковски. Присутните ќе имаат можност да ја проследат и изложбата на академскиот сликар Васка Дудин.
Составен дел и на годинешната 16-та по ред манифестација ќе биде традиционалното Литературно матине за деца, на кое ќе настапат повеќемина писатели за деца и млади, како и заедничката дружба на писателите во манастирскиот комплекс „Свети Ѓорѓија“, во Дељадровци.
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
