Легендарниот КАЗАНОВА добива музеј во Венеција
Објавено во: Свет 02 Март, 2018
На далеку прочуениот Џакомо Казанова, љубовникот на кого ниту една жена во Европа не можела да му одолее, му се оддава почит со отворање на музеј во Венеција.
Шест простории од Фондацијата „Казанова“, од 2 април ќе бидат отворени за јавноста.
Посетителите во музејот ќе имаат прилика да дознаат повеќе за животот и времето во кое живеел славниот Казанова (1725-1798).
„Казанова беше голем мислител, писател и филозоф, кој, не со право, во историјата остана забележан првенствено како голем заводник на жени“, изјави основачот на фондацијата Карло Луиџи Пароди.
Казанова од родниот град бил протеран во 1782 година, откако објавил сатирично дело во врска со љубовниот живот на припадниците на високата социјална класа во Венеција.