Лажна вест е дека Холандија ја поддржува Бугарија за блокадата на Македонија, реагира холандската амбасада
Објавено во: Македонија 04 Декември, 2020
Откако објавија бугарски медиуми, а веста ја преземаа и десетици македонски медиуми од Холандската амбасада во Скопје демантираат дека Холандија и дала поддршка на Бугарија во блокирањето на преговарачката рамка за почетокот на преговорите на Македонија. Во соопштение велат дека Холандија сметаше и сѐ уште смета дека Северна Македонија има постигнато добар напредок и дека меѓувладината конференција може да се одржи веднаш штом ќе се усвои преговарачката рамка. Оттаму велат дека вестите во кои се тврди тоа се целосно неосновани и лажни.
„На 30 октомври 2020 година, владата на Холандија го информира холандскиот парламент за својата одлука дека првата меѓувладина конференција за Северна Македонија може да се одржи. Овој став останува, се разбира, непроменет. Холандија сметаше и сѐ уште смета дека Северна Македонија има постигнато добар напредок и дека меѓувладината конференција може да се одржи веднаш штом ќе се усвои преговарачката рамка“, се вели во соопштението на амбасадата.
Веста ја објави бугарскиот весник „24 Часа“, повикувајќи се неименувани дипломатски извори од Брисел, а го цитираше и Фејсбук статусот на пратеникот на ВМРО-ДПМНЕ Антонијо Милошоски, кој, исто така, се повика на неименувани дипломатски извори во Брисел, тврдејќи дека две земји членки на ЕУ ја поддржуваат Софија.
Данска и Холандија се двете земји кои се приклучија кон бугарското вето за Северна Македонија, стои во веста на весникот „24 часа“ . Изворите на весникот тврдат дека иако нема спорни прашања за Македонија, постои големо неодобрување на преговарачката рамка за Албанија.
Можеби ќе ве интересира
AНТОНИО МИЛОШОСКИ: Спорно е што Oсмани си ја кодоши сопствената држава и што тоа го прави во МНР
Љупчо Палевски вечерва ќе биде донесен во Македонија?
НАСТАНОТ „ПРЕСПА ФОРУМ“ СЕ ОДЛАГА: Kоја е причината?
СИРИЗА ДО ГРЧКИОТ ПАРЛАМЕНТ ГИ ДОСТАВИ МЕМОРАНДУМИТЕ: Какви бенефити носат за Македонија?
ГРЧКИ ПРАТЕНИК ГО ИСКИНА ДОГОВОРОТ ОД ПРЕСПА: Oбвини дека Македонија го прекршила договореното
Туристка од Аргентина пронајдена почината во хотел во Охрид
ПРИБРАНИ СЕ ТРАГИ, ОБЕЗБЕДЕНИ СЕ СНИМКИ ОД ОКОЛНИТЕ КАМЕРИ - Обвинителството трага кој го запали автомобилот на директорот на Идризово
(ФОТО И ВИДЕО) ДОЦНА ВО НОЌТА ЗАПАЛЕН АВТОМОБИЛОТ НА ДИРЕКТОРОТ НА ИДРИЗОВО ЗОРАН ЈОВАНОВСКИ - граѓаните вознемирени
И оставил нож на Добрила Кацарска како закана во гаражното место
