Лани компаниите потрошиле 24,9 проценти помалку градежни материјали и струја
Објавено во: Економија 29 Јуни, 2018
Државниот завод за статистика објави дека минатата година фирмите што се занимаваат со градежна дејност потрошиле енергија и градежни материјали во вредност од 9.701.532.000 денари, што е за 24,9 проценти помалку во однос на претходната година.
Најголемо учество во вкупната вредност на потрошените градежни материјали и енергија има групата „Материјали за врзување“ со 3.574.938.000 денари (36,8 проценти), потоа следат групите „Потрошено гориво“ со 1.336.566.000 денари (13,8 проценти), „Изолациски материјали и премази“ со 1.184.713.000 денари (12,2 проценти).