Ла Верита повторно „пука“ кон Заев - имале докази за изборни нерегуларности
Објавено во: Македонија 25 Јануари, 2020
Како наближуваат изборите, се засилуваат политичките напади кон ривалите, а тие доажаат од дома, но и од странство.
Италијанскиот весник Ла верита, кој важи за близок до екстремната десница во Италија и каде првично беа објавени снимните за аферата Рекет, денеска осамна со нов прилог, во кој објавува дека поседува информации од истрага за наводна вмешаност на експремиерот и лидер на СДСМ Зоран Заев во купување на гласови за време на изборите во 2014 година.
„Ова е новиот скандал во кој е замешан Зоран Заев, омилениот премиер на ЕУ“, пишува Ларис Кајсер во денешниот број на Ла верита.
„Имало ли договор меѓу Груевски, Заев и Могерини?“, прашува Ла Верита. За овој случај се водела некаква истрага во обвинителството во Скопје. Според весникот, имало сериозни сомневања за тоа дека Заев бил дел од мрежа за изборни нерегуларности. Кајсер тврди дека за ова поседува материјали прибавени од примена на посебни истражни мерки, а доказите ги поседува и обвинителката Вилма Русковска.
Гајсер уште тврди дека до ова дошол по месеци работа и прегледување на стотици документи, проверувајќи ја автентичноста на фактите и осигурувајќи ја максималната сигурност на изворите. Затоа сега сметал дека може да продолжи со објавување во три дела документи во рацете на македонското обвинитлество, а кои инсинуирале дела за корупција и активности поврзани со изборни измами од страна на Заев.
„Тој за време на парламентарните избори во 2014година, како претседател на СДСМ и градоначалник на Струмица, според наведеното во документацијата, бил замешан во купопродажба на гласови во која исто така учествувал и брат му Вице Заев. Доказите за таквите измами ги добивме кога македонското обвинителство, по официјалната пријава, навремено спровело посебни истражни мерки, меѓутоа без да почне судски процес против осомничените“, пишува Гајсер.
Овој новинар се смета за еден од поддржувачите на експремиерот Никола Груевски, кој во моментов е азилант во Унгарија.
Можеби ќе ве интересира
„СЕ ДОДЕКА ГРЦИЈА НЕ ГИ ПОТПИШЕ ПРОТОКОЛИТЕ НИЕ НЕМА ДА ГИ ПОЧИТУВАМЕ ОДРЕДБИТЕ КОИ СЕ ОДНЕСУВААТ НА УПОТРЕБАТА НА ИМЕТО СЕВЕРНА МАКЕДОНИЈА“: Најчевска со предлог
„И ПОТОА СДСМ И ПРЕДАВНИКОТ ЗАЕВ СЕ ЧУДАТ КАКО ДОБИВАМЕ АЗИЛ ВО УНГАРИЈА, ШВЕДСКА, УНГАРИЈА“: Груевски распали по изјавата на Игор Југ
МЕГА ОГЛАС ЗА ВРАБОТУВАЊЕ ВО ЛИДЛ МАКЕДОНИЈА: Се бараат работници за над 20 позиции, еве во кои сектори
ПОРТПАРОЛОТ НА ВМРО- НАУМ, СО УШТЕ ЕДЕН ПОЗДРАВ ДО АЛИ: Не напиша ништо, но со фотографијата кажа сѐ
„ВМРОИДИТЕ СИ КУПИЛЕ ЧЕТВОРИЦА ПРАТЕНИЦИ НА КВАНТАШКИ“: Се огласи Апасиев за тоа што ВМРО-ДПМНЕ обезбедија 61 пратеник
СЕ АПЕЛИРА НА ВНИМАТЕЛНОСТ – МОЖНИ СЕ ШТЕТИ: Од ноќта сабота кон недела во Македонија доаѓа силно невреме, кое ќе продолжи и наредната недела
ФАКТОР НА ДЕНОТ: Мицкоски вели дека ВМРО-ДПМНЕ има 61 пратеник
ГРЧКИ МЕДИУМИ: Идниот премиер на Северна Македонија ја следи линијата на Силјановска Давкова
ТОШКОВСКИ: Mакедонската јавност во наредниот период ќе види многу интересни случаи
