КУРТО ДУДУШ ЗАРАБОТИ КРИВИЧНА ПРИЈАВА ОД СВР СКОПЈЕ - еве за што се товари градоначалникот на Шуто Оризари
Објавено во: Македонија 17 Април, 2024
СВР Скопје поднесе кривична пријава за Курто Дудуш, градоначалник на општина Шуто Оризари.
Тој се товари дека за директори во детска градинка во општината со која раководи именувал лица кои не биле вработени во таа градинка.
„СВР Скопје – Единица за економски и компјутерски криминал поднесе кривична пријава против К.Д.(49), градоначалник на скопска општина, поради постоење основи на сомнение за сторено кривично дело „несовесно работење во службата" по член 353 од Кривичниот законик. Во текот на 2020 и 2024 година пријавениот несовесно постапил во извршување на своите овластувања при спроведување на управна постапка и ги повредил законските прописи на начин што постапил спротивно на Законот за заштита на деца – член 126. Во 2020 и во 2024 година тој именувал директори на детска градинка лица кои не биле вработени во градинката и покрај тоа што во законот се вели дека именувањето на вршител на должноста директор на детска градинка треба да се врши од редот на вработените во детската градинка“, се вели во соопштението кое го допбивме од МВР.
Ова не е прва кривична пријава за Дудуш.