Добивај вести на Viber

Една од најголемите светски компании Амазон, слави две децении постоење, а оние кои на време инвестирале во неа, заработиле богатство.

Кога акциите на компанијата се понудени преку иницијална јавна понуда во 1997 година, вределе само 19 долари секоја.

Од тој скромен почеток, тој онлајн малопродажен гигант доживеал ѕвездени моменти, и покрај тешките епизоди. Оние кои вложиле 100 долари во Амазон, сега имаат акции вредни повеќе од 60 000 долари. Повеќе од добра инвестиција.

Во време на одбележување на дваесет години постоење, акцијата на Амазон вреди нешто помалку од 960 долари.

Јасно е дека се работи за навистина добра инвестиција за старите денови, со оглед на тоа дека вредноста на акциите се помножила скоро 500 пати.

Меѓутоа, зад овие пресметки не стои просто множење со оглед на тоа дека за 20 години Амазон повеќе пати прибегнуваше кон таканаречено разделување, кое го помножува бројот на акции и за точно толку им ја намалува цената. Пазарната капитализација во таа смисла не се менува, но се менува бројот на акции.

Во случајот на Амазон, после извршеното разделување, прилагодената цена на акциите од 23,5 долари паднала на 1,96 долари.

Целиот процес на разделување значи дека купување на една акција во 1997 година всушност значело посед на 12 акции помалку од три години подоцна.

Неверојатниот живот на Џеф Безос, вториот најбогат човек во светот и сопственик на Амазон: Од фирма во гаража стигна до компанија која вреди милијарди