„Купи куќа купи стан“ – Караванот продолжува и после Нова Година, колку се задоволни граѓаните?
Објавено во: Економија 01 Октомври, 2015
Купи куќа купи стан, сопствен дом само сон или не е така?
Надлежните велат интересот за проектот е задоволителен, се повеќе граѓани се заинтересирани за поволностите.
Караванот вчера беше во Свети Николе каде голем дел од храѓаните се интересирале како да дојдат до сопствен стан.
Тамошните власти видно задоволни велат дека а општината има за цел да им помогне на граѓаните како да дојдат до сопствен дом, преку понудата за продажба на градежни парцели, како за индивидуални куќи, така и за станбени згради.
Во тек е изградба на станбена зграда во која 25 семејства ќе може да добијат стан со аплицирање и искористување на мерките од „Купи куќа, купи стан“.
Според градоначалникот Тасев Свети Николе има перспектива имајќи во предвид дека веќе се гради и автопатот Миладиновци-Штип, кој поминува низ Свети Николе, со што, какошто рече, жителите на оваа општина за 20-тина минути можат да пристигнат до Скопје.
Од почетокот на проектот па досега 640 семејства ги искористиле поволностите кои ги нуди овој владин проект.
Задоволни од интересот на граѓаните се и банките. Како што информираат граѓаните повеќе се заинтересирани за купување станови, и тоа претежно млади брачни парови.
Најголема понуда до сега има во Скопје, каде и интересот е најголем.
Условите остануваат исти. Барателите на кредитот да немаат примања поголеми од 900 евра месечно, цената на недвижноста да не биде над 900 евра метар квадратен, а кредитот да не надминува 50.000 евра. Се бира меѓу два проекти- половина рата, при што Владата пет години отплаќа половина од месечната рата од станбениот кредитот или Владата да плаќа половина од учеството за да се добие станбен кредит. И кај двата модели каматната стапка е повластена, односно 4,99 проценти во првите три години, и 5,5 проценти во четвртата и петтата година кај првиот модел и еуролибор плус 4,5 проценти за цело време на проектот, кај вториот модел.