Купи француска винарница: Што се има Јаневски надвор од Македонија

Добивај вести на Viber

Тиквеш ја финализираше процедурата за превеземање на француската винарница Chateau de Gourdon во областа Cote Du Rhone. Тоа денеска го потврди претседателот на Управниот одбор на компанијата, Светозар Јаневски, на настанот посветен на младото вино. Јаневски и е познат на македонската јавност доста, но тој е еден од македонските бизнисмени што доста добро котираат и надвор, ако присутноста на пазарот е критериум. Преку Тиквеш, Јаневски и македонските вина продреа длабоко на пазарот во земјите од Западен Балкан, но и пошироко, насекаде во светот.

А М6 инвестициската група е таа во која главен е Јаневски. Оваа група го купи Тиквеш во 2003 година, потег кој на Јаневски дополнително му даде тежина на епитетот кој веќе го имаше а тоа е крал на пијалоците.

Во 2017 Компанијата М6 стана закупец на Белградската индустрија за пиво БИП, а по преземањето самиот Јаневски тврдеше дека сака да го купи и хрватски Бадел.

Тиквеш со Јаневски е своевиден пионер во организираниот пласман на македонско вино со амбици на извозните пазари во САД, Велика Британија, Скандинавија, Кина.

А Јаневски е еден од најуспешните македонски бизнисмени кој уште од периодот на транзитните 90-ти па се до денес успева да ја одржи својата моќна позиција, а со текот на времето и да ја зајакне. 

Тој е познат по сопствеништвото во Скопска пивара, компанија чиј газда стана со приватизацијата. Иако фирмата стана повеќе од успешна, Јаневски ја напушти во 2011 година. Негов беше е синџирот Мекдолнадс, но тој во 2013 година целосно беше затворен.

Светозар Јаневски е добитник и на меѓународната награда „Креатори за столетијата“ за животно дело во претприемништвото. Престижната награда која ја добиваат најзаслужните за развојот на претприемништвото во Југоисточна Европа му беше доделена во рамките на самитот на претприемачите од регионот  - „300 Најдобри“.

„Отсекогаш цврсто сум верувал дека луѓето и нивниот професионален развој и мотивација се клучниот фактор за успехот на компанијата. Работата со нив, инвестициите во нивното професионално надградување, градење на вештини, изложување на најновите трендови се од огромно значење за создавање кадри кои ќе го носат и развиваат претприемачкиот дух. Уште поважно е тие луѓе да ги охрабрите да донесуваат одлуки, да размислуваат отворено и да не се плашат да преземат иницијатива и ризик“, говореше Јаневски во 2015-та кога ја доби наградата.

А.Т.