КРАЈ НА ЕДНА ЕРА: Индустрискиот џин се раздвои на три компании, еве кои се причините

Добивај вести на Viber

Индустрискиот конгломерат General Electric (GE) ја заврши својата поделба на три одделни компании, означувајќи го крајот на една ера за американскиот гигант.

Минатата година прва се раздели GE HealthCare, а сега воздухопловните и енергетските компании GE Aerospace и GE Vernova ќе почнат самостојно да котираат на берзата.

Џенерал електрик компанијата ја објави својата намера да се раздели во 2021 година, а сега е завршен процесот на создавање три нови компании кои ќе котираат на берзата, објави Ројтерс.

Извршниот директор Лоренс Калп, сега извршен директор на GE Aerospace, особено се залагаше за распадот бидејќи сакаше да ја спаси фирмата која се бори.

За тоа придонесе и финансиската криза од 2008 година, која најпрофитабилната компанија ГЕ Капитал ја доведе на работ на банкрот.

Минатиот месец GE Aerospace, која произведува мотори за Боинг и Ербас, прогнозираше дека оперативниот профит ќе порасне на околу 10 милијарди долари до 2028 година поради големата побарувачка за неговите производи и услуги.