06 Април, 2020
0.0459

Коронавирусот ги потроши топломерите и парацетамолот: Македонци од Лондон сведочат за Фактор

Објавено во: Свет, Корона Вирус 25 Март, 2020

Не постои голем страв поради ширењето на коронавирусот во Лондон, но се забележува нервоза од неизвесноста. За луѓето се невообичаени редиците пред големите маркети или пред аптеките, сведочи Роберт Мех, Македонец, кој веќе 20 години живее во Лондон. Вели дека во изминативе неколку денови во аптеките во Лондон едноставно нема да се купи топломер.

-Најверојатно во паника, а и поради апелите на владата веднаш да се пријавуваат оние кои имаат симптоми на коронавирусот, а еден од нив е температурата, овие денови во аптеките се потрошија топломерите. Исто така, го снема и парацетамол, отако пред некој ден имаше информации, во случај на повишена температура да не се земаат други антипиретици освен парацетамол, вели Мех.

Не се прават посебни залихи на храна, но заради почитувањето на мерките, редиците пред маркетите за храна се честа глетка во Лондон. Мех појаснува дека се купува вообичаено како и секаде: тестенини, брашно и тоалетна хартија и средства за хигиена. Рестораните за брза храна работат само Take away.

Во Лондон се испразнија парковите, не работат училиштата, автобусите се празни, ќе се види само по некој на метро станиците, оние кои мора да одат на работа. 

-Нема непотребни излегувања од дома, откако вчера премиерот Борис Џонсон ги соопшти мерките. Казните се превисоки, но и не е само поради казните, свеста за опасноста од ширењето на вирусот е голема, раскажува Мех.  

Многу од компаниите, конкретно во Лондон, ги отпуштија од работа сите оние кои беа на пробна работа. Но, има и компании кои имаат свои фондови за вакви кризни ситуации, па и покрај тоа што работниците не одат на работа, ќе земаат плата. Инаку, цените на производите останаа исти, нема покачувања. Владата го контролира тоа и ги затвора сите кои пробаа да ја искористат ситуацијата, вели Мех.

Во текот на изминатава недела, Националната здравствена служба на Англија идентификуваше и контактира со 1,5 милиони луѓе со најголем ризик, кои треба да останат дома 12 недели. 

Мерките што ги воведе британската Влада за социјална дистанцираност се навистина јасни. Луѓето треба да бидат на два метри оддалеченост едни од други и да останат дома доколку е можно.

Анита Буховски


Можеби ќе ве интересира

НЕПОПРАВЛИВА ГРЕШКА: Во единствената болница во Њујорк за пациенти без вирусот, хоспитализирани заразени со Ковид 19

НЕПОПРАВЛИВА ГРЕШКА: Во единствената болница во Њујорк за пациенти без вирусот, хоспитализирани заразени со Ковид 19

СЕ Е ДОБРЕДОЈДЕНО: Најпознатата болница на Менхетен очајнички бара донации

СЕ Е ДОБРЕДОЈДЕНО: Најпознатата болница на Менхетен очајнички бара донации

Бил Гејтс ќе потроши неколку милијарди за вакцината за коронавирусот

Бил Гејтс ќе потроши неколку милијарди за вакцината за коронавирусот

Премиер лигата предупредува: Намалените плати на фудбалерите ќе имаат импакт на здравствениот систем

Премиер лигата предупредува: Намалените плати на фудбалерите ќе имаат импакт на здравствениот систем

(ВИДЕО) Емотивно обраќање на Трамп-ќе имаме многу мртви

(ВИДЕО) Емотивно обраќање на Трамп-ќе имаме многу мртви

АМЕРИКАНСКИ НАУЧНИЦИ: 5G мрежата не го шири коронавирусот

АМЕРИКАНСКИ НАУЧНИЦИ: 5G мрежата не го шири коронавирусот

(ФОТО) На пазар во Неапол

(ФОТО) На пазар во Неапол

ЧУМАТА НА 21 ВЕК: 46.000 жртви на коронавирусот во Европа

ЧУМАТА НА 21 ВЕК: 46.000 жртви на коронавирусот во Европа

ИТАЛИЈА: Помал број починати и помал број пациенти на интензивна нега

ИТАЛИЈА: Помал број починати и помал број пациенти на интензивна нега