Кон Битола, Кичево и Кочани сообраќаат нови возови
Објавено во: Економија 13 Јуни, 2016
Пуштени се нови возови на линиите кон Битола, Кичево и Кочани, информираат од Македонски железници.
Наместо досегашните пет, од вчера кон Битола сообраќаат шест пара возови, на релација Скопје-Кичево-Скопје уште два нови пара, исто како и на релација Скопје-Кочани-Скопје. На релацијата Скопје-Велес, ќе патуваат вкупно 14 пара возови, во двете насоки.
Новиот возен ред функционира од вчера.
Железничкиот патнички сообраќај кон Табановце, Гевгелија и Волково останува непроменет. Кон Табановце ќе возат шест пара возови, кон Гевгелија три, а кон Волково еден пар.