26 Септември, 2020
0.0355

Колку заработуваат најплатените нотари во Македонија?

Објавено во: Економија 13 Декември, 2019

Најуспешните петмина нотари лани оствариле оперативни добивки од 171.000 евра до 332.000 евра. Бројките се фантастични особено ако се знае дека станува збор за друштва кои вработуваат меѓу 7 и 11 лица. Но има и појако. Оргазмични се нивните профитни маргини (учество на неоданочена добивка во приход) и тие изнесуваат од 51 отсто до 76 отсто!!!

Заверките во нотарските книги лани на нотарите во земјава им донеле приходи од 18,3 милиони евра, покажуваат официјалните податоци на Централниот регистар на Македонија. Оваа услужна дејност лани вработувала 792 лица, а просечната месечна плата изнесува 19.673 денари.  

Најголема оперативна добивка лани оствари нотарската канцеларија на нотарот Зафир Хаџи-Зафиров. Приходот на оваа канцеларија лани изнесува 647.000 евра, а нето неоданочената добивка е 332.300 евра (нето приход пред оданочување според терминологијата на ЦРМ н.з.). Попластично кажано пред оданочување овој нотариус има профитна маргина од 51 отсто. Оваа канцеларија лани вработувала 11 лица, а просечната плата е 32.996 денари.

Познатата скопска нотарка Анета Петровска Алексова е втора на ранг листата на петте најпрофитабилни нотари. Нејзиниот приход лани изнесувал 642.100 евра, а оперативната добивка е 264.400 евра и тоа е 41 отсто од приходот. Но затоа пак вработените на Петровска веројатно се позадоволни од тие на Хаџи-Зафиров затоа што просечната плата е 55.748 денари. Канцеларијата лани вработувала 9 лица.

Следен на листата е нотарот Џеват Бучи. Неговата канцеларија лани има приход од 422.400 евра, а добивката пред оданочување изнесува 260.500 евра и тоа е 62 отсто од приходот. По овој параметар Бучи е најдобар од првите три. Неговата канцеларија вработува 10 лица, а нивната просечна плата е 15.328 денари. И по тоа е прв – како работодавач кој дава најниски плати на своите вработени.

Скопскиот нотар Методија Ристоски е четврт по ранг во големата петорка македонски нотариуси. Неговата канцеларија лани вработувала 7 лица, а просечната плата била 27.500 денари или 100 евра повеќе од просекот. Тие седум лица лани оствариле приход од 239.300 евра и нето приход пред оданочување од 181.600 евра. Неговата профитна маргина е 76 отсто и го „шие“ и Бучи. Просечната плата кај Ристоски лани била 27.500 денари, речиси 8.000 денари повеќе од просекот.А канцеларијата вработувала 7 лица.

Најмал од петмината со најголем нето приход е скопската нотарка Анастасија Петреска. Приходот на таа канцеларија е 335.300 евра, а оперативната добивка е 171.000 евра или 51 отсто од бруто приходот. Таа вработува вкупно 7 лица, а просечната плата е 22.137 денари или за 40 евра над просекот. 


Р.Ф.

Можеби ќе ве интересира

Владата ќе субвенционира плати за октомври, ноември и декември: Нови мерки вредни 350 милиони евра

Владата ќе субвенционира плати за октомври, ноември и декември: Нови мерки вредни 350 милиони евра

Пошта не избра банка: Колку пензионери од Еуростандард месецов ќе останат без пензија

Пошта не избра банка: Колку пензионери од Еуростандард месецов ќе останат без пензија

Вработувањето под етнички клуч не може да одговори на една модерна развојна економија, вели Битиќи

Вработувањето под етнички клуч не може да одговори на една модерна развојна економија, вели Битиќи

РЕЗЕРВИТЕ СЕ ТРОШАТ: Уште колку злато остана да се ископа во рудниците?

РЕЗЕРВИТЕ СЕ ТРОШАТ: Уште колку злато остана да се ископа во рудниците?

Груби се сретна со директорот на најголемиот фонд во светот кој тежи илјада милјарди долари

Груби се сретна со директорот на најголемиот фонд во светот кој тежи илјада милјарди долари

ЌЕ ИМА ОДЛОЖУВАЊА НА АКОНТАЦИИ И ОСЛОБОДУВАЊА ОД ДАНОЦИ - во недела точно напладне Владата ќе ги каже мерките

ЌЕ ИМА ОДЛОЖУВАЊА НА АКОНТАЦИИ И ОСЛОБОДУВАЊА ОД ДАНОЦИ - во недела точно напладне Владата ќе ги каже мерките

ФИТР: Четири милиони денари од УНДП за дигитализација на општините

ФИТР: Четири милиони денари од УНДП за дигитализација на општините

Освен компанија за вода има и фирма за вакцини: Кој е најбогатиот Кинез

Освен компанија за вода има и фирма за вакцини: Кој е најбогатиот Кинез

Во „Државни патишта“ во просек 53.100 денари бруто-плата по вработен

Во „Државни патишта“ во просек 53.100 денари бруто-плата по вработен