Колку заработи Русија од преговорите со ОПЕК?
Објавено во: Економија, Свет 17 Ноември, 2016
Русија има заработено над 6 милијарди долари од преговорите со Организацијата на земјите извознички на нафта (ОПЕК).
Одлуката на Русија од почетокот на оваа година да се вклучи во разговорите на ОПЕК, за ограничување на производството на нафта доведе до зголемен буџет на земјата со барем 400 милијарди рубљи (6 милијарди долари), пишува Bloomberg , повикувајќи се на свои извори.
Можноста Русија да соработува со ОПЕК, за да се намали вишокот на понудата на нафта на глобалните пазари, помогна цените да се зголемат од дното од 27 долари во јануари до просек 44 долари за годината.
Овој раст, комбиниран со зголемените приходи во земјата, доведе до раст на државните приходи меѓу 400 и 700 милијарди рубљи, велат официјални лица.
Оценките го покажуваат стимулот на Русија - најголемиот енергетски извозник во светот, да води разговори со други производители, дури откако првичните преговори за намалување на приносите во април пропаднаа.