Добивај вести на Viber
Без разлика дали станува збор за воз , автомобил или ферибот , речиси една третина од жителите на Њујорк патуваат повеќе од еден час до и од работното место секој ден.
Вкупно 31.5 % од њујорчаните стигнуваат за повеќе од еден час до работа , покажуваат податоците на Statista . Тоа е и највисокиот процент меѓу поголемите градови во САД . Покрај тоа, просечната должина на патувањето до работно место во Њујорк, исто така е највисока во САД - 39.2 минути.
На второ место на оваа листа е рангиран Вашингтон, Колумбија, каде близу 26 % од работниците стигнуваат до работа за повеќе од еден час . Просечната должина на патувањето до работа во главниот град на САД, пак е 29.6 минути.
На третото место на листата е Бостон, каде патниците стигнуваат до работа во просек за 28,6 минути , а за 22,7% од нив, патувањето продолжува по повеќе од еден час.
Чикаго е четвртиот град во САД , во кој над 20 % ( 21,6 % ) од вработените патуваат повеќе од 60 минути до работа. Просечната должина на патувањето во Чикаго , пак, е повисока во споредба со Вашингтон и Бостон и достигнува 33,7 минути.
Меѓу поголемите градови во САД најмал дел од жителите патуваат по повеќе од еден час во Мајами - 12,9 % . Таму пак просекот на патувањето продолжува за 26.6 минути.
А.А.