Колку пари ќе го чини светот вирусот Зика?
Објавено во: Свет 06 Февруари, 2016
Земјите во кои веќе има потврдени случаи на вирусот или во кои се очекува тој да се шири, би можеле да загубат околу 63.9 милијарди долари приходи од меѓународниот туризам, покажуваат податоците на Светска банка.
Од сите латиноамерикански држави ефектот од загубените приходи од туристи може да е најголем во Мексико. Странските туристи потрошиле 14.31 милијарди долари во земјата во 2013-та година, според Светската банка.
Бразил има над 7 милијарди долари приходи од туризмот. Иако е една од најпогодените земји од вирусот, сепак земјата е домаќин на летната Олимпијада од 2-ри до 21-ви август. Иако ширењето на вирусот ги става игрите под закана, бразилската влада објави дека тие нема да бидат откажани поради вирусот.
Зика се очекува да стигне и до САД, каде туристите потрошиле над 214.7 милијарди долари во 2013-та година. Канада и Чиле се единствените земји во западната хемисфера, до кои вирусот веројатно нема да дојде, бидејќи „тигар“ комарците кои го пренесуваат Зика, не се населуваат на нивните територии.
Во обид да се спречи ширењето на вирусот, повеќе авио-компании објавија дека ќе ги рефундираат трошоците на патниците кои купиле карти за да патуваат во некои од земјите погодени од вирусот.
Инаку, вчера три лица починаа како последица од вирусот Зика, откако им се развило невролошко пореметување, информираат властите на Колумбија.
Ова се првите случаеви каде официјално причина за смрт бил вирусот Зика. Претходно пак, за прв пат вирусот беше пронајден активен во примероци од плунка и урина. Бразилскиот државен институт велат дека ти ќе биде истражена можноста за пренeсување на вирусот преку телесни течности.