Колку изнесуваше минималната кошничка во декември?
Објавено во: Економија 09 Јануари, 2023
Како што објави Сојузот на синдикати на Македонија (ССМ), минималната синдикална кошничка за декември изнесувала 51.235 денари. Тоа се пари потребни за задоволување на основните потреби на едно семејство од четири члена.
Од вкупната сума 19.226,11 денари се трошеле за исхрана и пијалаци, 13.093,22 денари за домување, 3.050,95 денари за одржување на хигиена, а 3.668,61 денари за превоз. За облека и обувки едно семејство во декември требало да издвои 2.255,15 денари, за култура 1.067,86, а за одржување на здравје 801,29 денари.
„Вкупно на едно четиричлено му биле неопходни 43.163,17 денари за задоволување на минималната синдикална кошничка, а кога на тоа ќе се додадат трошоците на живот, односно инфлацијата од 18,7 проценти или 8.071,51 денари се доаѓа до бројката од 51.234,68 денари“, велат од ССМ.
Од ССМ претходно соопштија дека за една година за 16.940 денари пораснала вредноста на синдикалната минимална кошничка.Во март во земјава ќе се зголеми минималната кошничка.
foto freepik.com