Колкави се загубите на Македонски железници поради штрајкот на грчките колеги?
Објавено во: Економија 21 Јуни, 2016
Штрајкот на железничарите во Грција предизвикува штета од 5 милиони евра на Македонски железници, информира директорот на државната компанија, Никола Костов.
Платите на вработените се исплаќаат редовно и нема прекини, но и Македонски железници бележат загуби во работењето.
Костов објаснува дека поради штрајкот кој траеше околу еден месец, штети трпат и фирмите кои транспортираат стока.
Само последните недели околу 80 камиони од земјава беа блокирани поради штрајкот во Грција. Стопанската комора на Македонија пред една недела побара од грчките власти да го прекинат штрајкот, поради големите загуби на домашните бизниси. Македонија е врзувачки пат помеѓу Солун и Белград и многу трговски размени се одвиваат по коридорот 10.
Одлуката за одлагање на штрајкот доаѓа откако Грчкиот фонд за развој соопшти дека го продолжува рокот за собирање понуди за продажба на 100 проценти на грчките железници Траиносе.