Добивај вести на Viber
Гувернерот на Централната банка на Црна Гора (ЦБЦГ) Милоица Дакиќ минатата година зел плата од речиси 52.000 евра, откриле податоците што оваа институција ги доставила до невладината организација Центар за демократска транзиција.
Централната банка се согласила да ги открие платите на директорите и на гувернерот дури откако невладината организација вложила жалба до Агенцијата за заштита на лични податоци и слободен пристап до информации заради прекршување на Законот за слободен пристап до информации од јавен карактер.
Според податоците, Дакиќ лани заработил вкупно 32.300 евра, што значи дека примал плата од речиси 2.700 евра месечно. Но, за членство во Советот на ЦБЦГ примил и дополнителни 10.800 евра, а 6.000 евра на годишно ниво добил и како претседател на Одборот на директори на Централната депозитарна агенција. За членство во Советот за финансиска стабилност искеширал уште 3.500 евра, додека неговите дневници за службени патувања минатата година изнесувале вкупно 3.900 евра.
Вицегувернерот Никола Фабрис заработил 47.500 евра - речиси 26.500 евра изнесувала неговата годишна плата, но и тој имал дополнителни приходи од учества во различни тела и патни трошоци.