Која македонска компанија надмина „дупка“ од 140.000 евра?

Добивај вести на Viber

Повеќето од македонските компании имаат загуби или помали добивки во однос на лани, а со тоа и помал профит, но ретко која бележи неверојатен раст. Засега наградата за пресврт во работењето треба да оди во рацете на Теал АД Тетово кои од загуба која изнесувала околу 140.000 евра стигнаа до добивка вредна околу 50.000 евра за само три месеци од годинава.

Годинава Теал АД Тетово остварил вкупно приходи од 56,2 милиони денари или за дури 35 милиони денари повеќе во однос на К1 2016. Од 1,5 милиони денари во овој квартал продажбата на домашен пазар „скокнала“ до 17,2 милиони денари, додека пак продажбата на странски пазар од 18,5 милиони денари е дуплирана на 38,9 милиони денари.

Секако со зголемени активности ТЕАЛ АД Тетово ги зголемил и расходите, но не премногу што значи дека ем ја надмина ланската голема загуба, ем оствари позитивен квартал. Оперативните расходи од 51,2 милиони денари се добро распоредени за трговски стоки 5,1 милион денари, суровини и материјали 36,1 милион денари, вработени 3,6 милиони денари што е речиси идентично како лани кога најверојатно биле ангажирани ист број на вработени и немало отпуштања.  Лани под ставката останати расходи од работењето со вредност од 4,8 милиони денари ги направил најголемите издадотоци, а тие во К1 2017 воопшто ги нема.

Теал АД Тетово се занимава со производство на алуминиумски профили и легури, додека главни производи се: алуминиумски профили и алуминиумски инготи. Од 2003 година, претпријатието бележи постојан пораст на производството и продажбата. Во 2006, 2007 и 2008 година кога светот дожиевеа економски бум и потрошувачката го достигна врвот, Во Теал биле произведени максимални количини од над 2000 тони алуминиумски профили и легури годишно. По економската светска криза се стесни пазарот за македонските металуршки компании, но со закрепнувањето на економиите полека се враќа и нивото на продажба.

Х.С.