Која е новата ветена земја за копачите на биткоини?

Добивај вести на Viber

Откако се дозна дека кинеските државни регулатори подготвуваат нови закони со кои ќе ги потиснат копачите на криптовалути меѓу кои и биткоинот, се повеќе се размислува за следната земја која ќе биде како „ветена“ за рударите. Една од нив е Канада бидејќи станува збор за западна демократија каде важат принципи како владеење на правото и постои одредена правна сигурност дека нема преку ноќ да дојде до големи последици врз големите компании за креирање на криптовалути кои ангажираат огромен број на компјутерски машини при што доаѓа до енермно трошење на електрична енергија.

Токму стабилната влада и евтината електрична енергија се главна причина поради која гигант како BTC.Top кои ќе отворат фарми за „копање“ биткоини токму во Канада. 

Трошокот за создавање на биткоин или друга криптовалута преку технологијата наречена блокчејн каде се вршат отклучувања на блокови со информации за трансакциите кои се заштитени стануваат се повисоки бидејќи се троши огромна количина на електрична енергија. 

Во Кина претежно струјата се произведува од јаглен, па затоа и е евтина, но вистинскиот трошок е врз животната средина поради огромното загадување. 

За вкупните операции за копање на биткоини се троши повеќе струја од колку една модерна и развиена земја во светот. Исто така клучен фактор за успешните крипто-фарми е и изворот на ладење, па така најчесто тие се создаваат околу хидро-централите бидејќи со водата може да се креира соодветен систем на ефикасно ладење.

Затоа Ерик Мартел, директорот на хидро-централата од Квебек ги повака крипто-рударите да дојдат во Канада и да искористата 5000 мегават часови електрична енергија, а за ладење да се потпрат и на студената канадска клима покрај водениот систем. Главната причина за повикот е да се развие локалната економија во Квебек, Канада. 

Засега точниот износ на кинески инвестиции во Канада не може да се утврди, но доколку продолжат овие трендови на преселба на бизнисите може да се говори за доста солидна сума за потрошувачка на енергија, интернет и ладење.

Х.С.