Кој беше Коби Брајант - омилениот „лејкерс“ со човечки мани

Добивај вести на Viber

Коби Брајант, еден од најголемите кошаркари на сите времиња, починал во хеликоптерска несреќа. Тој имаше 41 година, пишува Гардијан.

TMZ првично ја пренесе веста, јавувајќи дека Брајант бил во хеликоптерот заедно со четворицата други кога се урнал во 10 часот по локално време во близина на Калабасас во Калифорнија. 

Според „Лос Анџелес Тајмс“, леталото се урнало поради маглата, по што се запалило, што им отежнувало на спасувачите да се приближат до местото. Нема пријавени преживеани.

Брајант ја одигра речиси целата своја, 20-годишна кариера со Лос Анџелес Лејкерс во НБА. На клубот му донесе пет шампионски прстени, а за Ол-стар натпреварите беше избран 18 пати. Се пензионираше во 2016 година.

Во 2018 година тој освои Оскар за најдобар анимиран краток филм за филмот наречен Драга кошарка, врз основа на песна што ја напиша за неговото пензионирање од играта.

Неговата репутација беше оцрнета откако беше уапсен во 2003 година поради обвиненија дека наводно силувал тинејџерка во хотел во Колорадо. Брајант ги негираше обвинувањата, велејќи дека средбата била со согласност на девојката. Случајот беше отфрлен откако наводната жртва одби да сведочи на судењето. 

Подоцна Брајант и се извини на својата сопруга, „Сега признавам дека таа не го сфаќа овој настан на ист начин како што јас го разбирам“.

Само еден ден пред несреќата, една друга НБА Легенда, Леброн Џејмс, му оддаде признание на Брајант, откако тој го престигна на третата позиција на листата на најдобри стрелци во историјата.

„Тој е некој што мене ми беше инспирација. Едноставно беше ваууу. Да гледаш 17-годишно дете како влегува во НБА обидувајќи се да има влијание во клубот, и тоа и мене ме мотивираше“, рече Џејмс.

Брајант остави сопруга и четири деца.

Повеќе детали што треба да ги следите…

Како што започнува 2020 година…

Фото: Гардијан