Коалицијата на Сириза и Независните Грци заедно ги држи само една работа!
Објавено во: Балкан 26 Јануари, 2015
Десничарската партија на Незавсните Грци, со која радикално левичарската Сириза склопила коалиционен договор, на прв поглед изгледа како чуден партнер за победник на изборите во Грција, но двете партии ја делат омразата кон мерките кои на нивната земја и ги наметнале меѓународните кредитори, оценува денеска британски Гардијан.
Сириза на вонредните парламентарни избори освоила 36,3 одсто од гласовите, односно 149 од 300 места во парламентот, и така за малку ја пропуштила можноста самостојно да формира влада.
Нејзиниот лидер Алексис Ципрас, идниот премиер на Грција, одлулил да и се обрати на партијата на Независните Грци, кои на изборите освоите 13 места, и тие веднаш се согласиле да му дадат подршка.
Двете партии, и покрај омразата на мерките за штедење и меѓународниот пакет на помош, многу се разликуваат во ставот за светските прашања, илегалната миграција, секогаш проблематичниот однос со Турција, геј браковите и улогата на Грчката православна црква, наведува Гардијан.
Под лидерот Паносом Каменос, кој ја напуштил Нова демократија, партијата на десниот центар како во екот на кризата во февруари 2012 би формирал своја партија, Независни Грци, таа партија докажала дека е горчливо националистичка во надворешно-политичките прашања.
Каменос е посебно горлив кога станува збор за барањата за воена одштета, за која тврди дека никогаш не се решавани на одговаралкиот начин, после бруталните нацистички окупации, пишува Гардијан.
Обвинет е дека е антисемит кога минатиот месец се потврдило дека грчките Евреи плаќаат помал данок отколку останатите граѓани. Неговата партија е дел од политичката група на Европските конзервативци и реформисти во Европскиот парламент, која е основана како аманет на Дејвид Камерон, британскиот премиер.
И Сириза и Независните Грци се сложуваат, меѓутоа , дека треба да се завршат мерките за штедење, и двете имаат остар став за посебно чуствителното прашање дали грчкиот национален суверинитет е осиромашен како резулатат на шестгодишното управување на Атина со меѓународните кредитори, таканаречени омразени „тројки“.
Независните Грци, баш како и Сириза тврдат дека странските кредитори ја претвориле земјата во „должничка колонија“.
Двете политички сили во Собранието на Грција исто така соработувале во блокирањето на изборот на новиот претседател, што на крајот довело до вонредни парламентарни избори.
Гардијан оценува дека Сириза и Независните Грци, кои отворено ги отфрлаат договорите кои претходната влада ги потпишала со меѓународните кредитори од ЕУ, Европската централна банка и Меѓународниот монетарен фонд, ќе бидат тешок преговарачки тим кога овој месец бидат продолжени разговорите со „тројката“.
Исто така, Гардија додава и дека влегувањето на Каменос во владата нема да биде поздравено во Берлин, кој обезбедил најголем дел од 240 милијади помош за Атина да не банкротира.
И.Р