Клиника за хематологија: Пациентите со ретки болести следна терапија ќе примат кога ќе има оптимални услови
Објавено во: Македонија 21 Април, 2020
На пацентите со ретки болести кои се лекуваат со орална терапија им се поделени тримесечни количини на лекови и инструкции за контроли преку дигиталните апликации, додека пациентите со болеста на Гоше, кои примаат венска терапија со ензим, ќе бидат повикани за следна терапија кога ќе се организираат оптимални услови за апликација, со ризик за изложеност кон ковид-19 еднаков скоро на нула, соопшти денеска ЈЗУ Универзитетската Клиника за хематологија од Скопје.
„Во интерес на вистината, за да не се шири непотребна паника, ве известуваме дека ЈЗУ Универзитетска Клиника за хематологија Скопје, особено се грижи за пациентите со ретки болести. Во периодот на вонредна состојба предизвикана од ширењето на ковид-19, согласно препораките за работа на Министерството за здравство на Република Северна Македонија, презедовме посебни мерки овие пациенти да добијат навреме терапија, а истовремено максимално да бидат заштитени од можна експозиција кон вирусот. На пациентите со ретки болести кои се лекуваат со орална терапија веднаш им беа поделени, во посебни услови на работа, тримесечни количини на лекови и инструкции за контроли во овој период преку дигиталните апликации. Пациентите со болеста на Гоше, кои примаат венска терапија со ензим, ги известивме дека кога ќе се организираат оптимални услови за апликација, со ризик за изложеност кон ковид-19 еднаков скоро на нула, ќе бидат повикани за следна терапија. Овој став беше донесен со цел максимална заштита, врз основа на светските експертски препораки, без да се наруши третирањето на основната болест. Ве информираме дека дел од пациентите со болеста на Гоше, минатата недела, согласно сите безбедносни протоколи примија терапија, а останатите ќе ја добијат во следните два дена“, соопшти Клиниката за хематологија.
Оттаму изразуваат жалење поради изборот на претседателката на здружението на граѓани со ретки болести „Живот со предизвици“, Весна Алексовска, да комуницира со Клиниката преку социјалните мрежи и медуми, наместо директоно со нив.
„Длабоко жалиме и навистина не ги разбираме мотивите што Весна Алексовска, претседателката на здружението на граѓани со ретки болести ‘Живот со предизвици’ избра да комуницира со Клиниката преку социјалните мрежи и медуми, иако нашата врата секогаш е отворена за сите пациенти. Уште еднаш ја користиме приликата да упатиме апел до нашите пациенти и целата јавност да нѐ поддржат во заедничката борба да го сочуваме здравјето на нашите граѓани, а не беспотребно да се создава паника и страв со дезинформации. Неопходно е да бидеме разумни и одговорни и да му се верува на јавниот здравствен систем“, нагласуваат од Клиниката за хематологија.
Можеби ќе ве интересира
„ВО МАКЕДОНИЈА НЕ МЕ ВРАБОТИЈА, НО ВО АНГЛИЈА СТАНАВ ШЕФ ВО ЕДНА ОД НАЈДОБРИТЕ БОЛНИЦИ ВО СВЕТОТ“: Искуството на доктор Минов го сподели Димитров
„ПОСТОЈАТ ПРАШАЊА ШТО СЕ НАД ВОЛЈАТА НА НОВОТО РАКОВОДСТВО НА СЕВЕРНА МАКЕДОНИЈА:“ Герапетритис за Преспанскиот договор
„ А БЕ УРСУЛА, ВИЕ СТЕ СИ КРИВИ“: Се огласи и Колозова
КАРАКАМИШЕВА РАСПАЛИ ЗА ЛОГА: Јавно го прашувам, колку измени и дополнувања на Изборниот законик гледа долу во фуснотата од 2019 до 2024? Галиба 6 се, нели Лога?
МАКЕДОНЦИТЕ КОИ ЗАМИНАЛЕ ВО СТРАНСТВО СЕ СООЧУВААТ СО НОСТАЛГИЈА: Како да ја пребродат оваа состојба?
НАЈЧЕВСКА ВЕЛИ ДЕКА СИЛЈАНОВСКА НЕ ГО ПРЕКРШИЛА ДОГОВОРОТ ОД ПРЕСПА: Во моментот кога ја дава заклетвата таа не е претседател и нема обврска да го употребува името
МИЦКОСКИ НА ПЛАНИНА И ПОКРАЈ ОГАН СЕ ПОДГОТВУВА ЗА ПРЕМИЕРСКОТО СТОЛЧЕ: „Неколку дена за стратегија и чекорите кои следат“
„ЛА НИЊА” ОВА ЛЕТО НИ НОСИ ГОЛЕМИ ВРЕМЕНСКИ НЕПОГОДИ: Да бидеме подготвени на се, предупредуваат метеоролозите
ТАРАВАРИ СЕ НАДЕВА ДЕКА СИЛЈАНОВСКА-ДАВКОВА ЌЕ ГО ПОЧИТУВА УСТАВОТ И МЕЃУНАРОДНИТЕ ДОГОВОРИ: „Сѐ уште преовладува еуфорија од изборите“
