Ќе влезе ли Тунтев во АЦВ: Еве колкави се платите во оваа агенција
Објавено во: Економија 23 Ноември, 2018
Над илјада евра или точно 65.553 е просечната нето плата исплатена во Агенцијата за цивилно воздухопловство. Податоците се за 2016 година кога во оваа институција просечната бруто плата по вработен била 98.657 денари. Тогаш во агенцијата работеле 69 лица.
Ова е едно од телата во земјава во кои вработените земаат најголеми плати. На постоечкиот директор на Агенцијата му истекува мандатот војануари следнатагодина а според најновите информации, за директорската позиција аплицирал и пратеникот и координатор на пратеничката група од СДСМ, Томислав Тунтев.
Тунтев за Фактор вели дека имал амбиции и аплицирал на огласот првенствено поради неговите стручни, професионални и едукативни квалификации.
Како директор на оваа Агенција тој ќе зема и двојно повисока плата од пратеничката. Со оглед на тоа што просечните плати се над 1.000 евра тој најверојатно ќе зема и повеќе од 2.000 евра.