01 Мај, 2024
0.0271

Ќе биде ли детектиран во Македонија и јужноафриканскиот сој од кој може да се заразат дури и оние кои веќе го прележале вирусот

Објавено во: Македонија 04 Март, 2021

Добивај вести на Viber

Денеска од Истражувачкиот центар за генетско инженерство и биотехнологија при МАНУ се очекуваат резултатите од анализата за вториот пациент од Битола, кој престојувал во Занзибар. Кај првиот пациент детектиран е британскиот сој уште во текот на вчерашниот ден.

И покрај тоа што официјлно во земјава не се соопштено дека се случува третиот бран на корона вирусот, евидентно е зголемувањето на бројот на новозаразени, откако вчера беа регистрирани 807 случаи, а истовремено се зголемува и бројот на дневните хоспитализации.

Според лекарски извори од ГОБ „8 Септември“, загрижува тоа што во оваа болничка установа се хоспитализирани млади пациенти од Гевгелија, Струмица и од други градови. Истовремено за Факотр откриваат дека станува збор за пациенти кои немаат други коморбидитети.

-Во текот на изминативе денови во „8 Септември“ се трансферирани неколку пациенти од другите градови, и тоа пациенти кои навистина се млади, 27 години, 37 години и така натаму. Тие претходно биле лекувани во тамошните ковид центри, но по влошување на состојбата се префрлени кај нас. Претпоставуваме дека со новите мутации, корона вирусот има еден нов тек, дава поинаква клиничка слика од оние кои претходно ги знаеме, велат за Фактор извори од ГОБ „8 Септември“.

Досега во Македонија, МАНУ го детектираше британскиот сој, за кој веќе е познато дека многу побрзо се шири на што се должи и зголемениот број нови инфекции. Конкретно до 22 февруари ИЦГИБ при МАНУ детектираше 6 различни соеви (clades) и 35 варијанти (lineages) на САРСКов2.

-Голем број на нови варијанти во последните 2 месеци: B.1.1.7 (UK) варијантата прогресивно се шири во последниот месец и е присутна кај 50% од испитуваните примероци во w7/2021. Потоа, B.1.258 (Czech/Slovak) варијантата исто така покажува тренд на забрзано ширење во последниот период. B.1.351 (S.Africa) и P.1 (Brazil) варијантите сè уште не се присутни во нашата држава, се наведува во нивното истражување.

Здравствените власти најавија дека доколку расте бројот и понатаму, можно е заострување на рестриктивните мерки, а Комисијата за заразни болести веќе предложи задолжителен домашен карантин од 14 дена за лица кои доаѓаат од сите африкански земји.

-Министерството за здравство и Комисијата за заразни болести согласно актуелната епидемиолошка слика и анализите на Институтот за јавно здравје, не ја исклучуваат можноста да се донесат препораки за нови мерки со цел спречување на понатамошно ширење на КОВИД-19 вирусот. Апелираме до граѓаните задолжително да ги почитуваат здравствените мерки и протоколи, како носење маска, одржување хигиена на раце и држење дистанца, посочуваат од Министерството за здравство.

Инаку, јужноафриканскиот сој на корона вирусот, слично како и британската варијанта е многу позаразна, односно многу полесно се пренесува, иако нема научни податоци во однос на тоа дали е зголемена и смртноста. Тоа што загрижува е дека, сојужноафрикански сој може да се заразат дури и оние кои веќе го прележале Ковид-19.

Анита Буховски


Можеби ќе ве интересира

ФАКТОР НА ДЕНОТ: Панче Тошковски вели дека Палевски ќе биде екстрадиран во најкраток рок

ФАКТОР НА ДЕНОТ: Панче Тошковски вели дека Палевски ќе биде екстрадиран во најкраток рок

AНТОНИО МИЛОШОСКИ: Супер е шишање кај бербер со слична фризура

AНТОНИО МИЛОШОСКИ: Супер е шишање кај бербер со слична фризура

ПЕНДАРОВСКИ: Бројот еден е гаранција дека државата ќе продолжи по правилниот курс кон ЕУ

ПЕНДАРОВСКИ: Бројот еден е гаранција дека државата ќе продолжи по правилниот курс кон ЕУ

ТОШКОВСКИ: Во најкраток рок ќе биде екстрадиран Љупчо Палевски

ТОШКОВСКИ: Во најкраток рок ќе биде екстрадиран Љупчо Палевски

ЗАВРШЕНИ СЕ ПОТРЕБНИТЕ ПРОЦЕДУРИ: Полицијата веќе почна со организацијата на екстрадицијата на Палевски

ЗАВРШЕНИ СЕ ПОТРЕБНИТЕ ПРОЦЕДУРИ: Полицијата веќе почна со организацијата на екстрадицијата на Палевски

ПЕНДАРОВСКИ: Kaко Силјановска Давкова ги обезбедила тие информации дека во ДУИ има поделба?

ПЕНДАРОВСКИ: Kaко Силјановска Давкова ги обезбедила тие информации дека во ДУИ има поделба?

СИЛЈАНОВСКА ДАВКОВА: Јавна тајна е дека внатре во ДУИ има две струи, едните за, едните против

СИЛЈАНОВСКА ДАВКОВА: Јавна тајна е дека внатре во ДУИ има две струи, едните за, едните против

СЕ „ЕВАКУИРА“ СКОПЈЕ: Луѓето се упатија кон Грција

СЕ „ЕВАКУИРА“ СКОПЈЕ: Луѓето се упатија кон Грција

ДУИ ДО МИЦКОСКИ: Вокабуларот е агенда на Москва и Путин кои сакаат да ја дестабилизираат Македонија

ДУИ ДО МИЦКОСКИ: Вокабуларот е агенда на Москва и Путин кои сакаат да ја дестабилизираат Македонија