Кина му става сопка на Richemont

Добивај вести на Viber

Cie. Financiere Richemont SA, производителот на накитот Cartier, забележа стабилен раст на приходите за последните три месеци на 2013 година, но не ги оправда очекувањата, пишува Bloomberg. Иако растот на компанијата продолжува да се бори со слабата побарувачка на луксузни стоки во азиско-пацифичкиот регион. Во наведениот период продажбата се зголеми за 9 отсто, без да се земат предвид девизните промени. Податоците покажуваат забавување на растот во споредба со октомври, кога растот беше 12%. Цената на акциите се намали за 3,9% во Цирих, а тоа е најголемиот нејзин еднодневен пад, за последните шест месеци. Резултатите се удар по оптимистичките очекувања дека продажбата во Кина ќе почне  да се зголемува, само една година откако земјата спроведе мерки за спречување на невообичаените трошоци и користењето на луксузни стоки за мито. Како целина продажбата се зголеми до 2,94 милијарди евра. Тоа е значително помалку од проектираната сума од аналитичарите, која беше 3,05 милијарди евра. Минатата недела Swatch Group, производител на часовници Omega, забележа зголемување на профитот од продажбата во Кина. Тоа го засили оптимизмот дека побарувачката во земјата заздравува. Продажбата во азиско-пацифичкиот регион се зголеми за 6%, тврдат од Richemont. Кина сепак е единствениот голем пазар во овој регион, во кој има пад на приходите. Доларот и јенот ослабнаа  во однос на еврото, а овие девизни движења покажаа сериозен притисок врз профитот.