Кина го уверува светот да не се плаши со зголемениот воен буџет

Добивај вести на Viber

Кинескиот политички врв кој повеќе години е на власт си ја зацементира својата моќ најпрво со квалитетната економска програма, но сега апетитети се поголеми, па така мора да се мисли повеќе и на надворешната политка и военото присуство. За прв пат по подолго време Кина го зголеми својот воен буџет кој веднаш од САД беше прочитан како загрижувачки знак, додека пак кинескиот државен врв тврди дека никој нема никакви причини да биде загрижен бидејќи Кина и натаму ќе води мирна надворешна политика. 

Кинеското Министерство за финансии соопшти дека оваа година воениот буџет е зголемен за шест проценти, односно дека изнесува 173 милијарди долари.

Буџетот е зголемен во однос на минатогодишниот за околу 10 милијарди долари, со што воениот буџет на Кина стана втор по големина буџет во светот, веднаш по буџетот на САД.

Заменик-министерот за надворешни работи на Кина, Џанг Јесуи, изјави во неделата дека „умерениот“ раст на потрошувачка на Кина за одбраната во последните неколку години има за цел да ги надомести пропустите од минатото, а кинеската војска нема да се заканува на никого.

„Последните години Кина умерено го зголемува трошокот на одбраната. Дел поради тоа што моравме да ги исправиме инвестициите од минатото, а повеќето отидоа на обнова на опрема и подобри материјални бенефиции за војниците. Кина отсекогаш била на патот на мирен развој и нема да се заканува на ниту една земја“, изјави Џанг.