Добивај вести на Viber
Судот во Љубљана ја потврди првостепената пресуда со која е утврдена вина кај поранешниот словенечки премиер Антон Роп за откривање тајни податоци на државната разузнавачка служба „СОВА“.
Со претудата се прдвидува Роп да плата парична казна во висина од 10 илјади евра.
Пресудата се однесува на негова изјава за Словенечката телевизија во 2007 година, кога истакнал дека постојат тајни телефонски снимки на словенечката разузнавачка агенција кои потврдуваат дека Јанез Јанша (словенски премиер) и Иво Санадер (хрватски премиер) во 2004 година се договарале за намерен инцидент во граничниот Пирански залив.
Поради обвинувањата со кои Роп открил тајни податоци на словенечките разузнавачки служби, Обвинителството побарало отштета од 20 илјади евра која со првостепената пресуда била преполовена.
Роп поднел жалба на ваквата пресуда, но таа е потврдена и во второстепената постапка.
Роп од 2002 до 2004 година беше премиер и водеше жестока предизборна кампања против тогашниот челник на опозицијата Јанез Јанша, а Санадер тогаш беше претседател на хрватската влада.
Јанша пред повеќе години поднел тужба за клевета поради обвинувањата на Роп дека споровите околу границите на море со Хрватска ги користел за време на кампањата за политичка пресметка со него и дека наводните гранични инциденти ги договарал со Санадер.
Роп, кој сега е потпретседател на Европската инвестициска банка, се извини пред судот, па помеѓу нив дошло до мирна спогодба чии детали не се објавени.