КАТАР ГИ ТРОШИ ДРЖАВНИТЕ РЕЗЕРВИ: Каков притисок ги чека?

Добивај вести на Viber

Во Катар властите започнаа да ја трошат државната заштеда. 

Катар посегна по 20 милијарди долари од државната заштеда и со тие пари тамошните власти ќе ја спасуваат економијата која што започнува да чувствува се поголем притисок кој што е наметнат од Саудиска Арабија и сојузниците.

Катарскиот министер за финансии, Али Шареф Ал Емади, во разговор за „The Financial Times" изјави дека овие пари ќе бидат употребени како „тампон“ со цел да се осигура ликвидноста на банкарскиот систем, откако Катар загуби околу 30 милијарди долари во одлив на капитал.

„Тоа што го направивме е следново - зедовме пари од надвор и ги ставивме внатре“- истакна министерот. 

Рејтинг агенцијата „Moody's" тврди дека Катар досега во својата економија бил присилен да уфрли околу 38,5 милијарди долари од почетокот на кризата, а оваа седмица катарскиот емир изјави дека е подготвен на дијалог со цел решавање на кризата.

Саудиска Арабија, Бахреин, Обединетите Арапски Емирати, Египет и уште неколку други заливски земји летово ги прекинаа дипломатските односи со Катар и ја блокираа оваа земја од воздух, копно и море поради тоа што сметаат дека катарските власти финансирале терористи.

Саудиска Арабија со своите арапски сојузници бара доста работи да бидат исполнети од Доха, а некои од главните барања се: затворање на телевизијата Ал Џазеира, затворање на турската воена база и прекин на односите со Иран.