Касами: Има поддршка од САД, ама нудиме и концепт за рамноправност

Добивај вести на Viber

САД поддржуваат активности во македонското предизборие кои се во насока на коалицирање пред изборите како БЕСА и СДСМ, вели Билал Касами, лидерот на Движењето Беса, во изјава за МИА. Тој е во САД и добил поддршка од претставници на Конгресот и Стејт департментот. Касами се сретнал и со Филип Рикер, заменик помошник државен секретар за Европа и Евроазија, но и со конгресменот-демократ Елиот Енгл, претседател на Комитетот за надворешни работи при Претставничкиот дом, потоа, а во Стејт департментот се сретна со Дејвид Костеланчик, директор во канцеларијата за Југоисточна Европа и Азија.

Касами во разговорот вели и дека ако досега, сите политички партии, особено политичките партии на Албанците, се држеле до националистичка реторика пред избори, после избори заборавале сѐ.

„Да потсетиме дека од 2002 ДУИ, како партија која произлезе од конфликтот, после изборите стапи во коалиција со СДСМ, потоа со ВМРО-ДПМНЕ, па пак со СДСМ. Неприродна коалиција беше и онаа кога ДПА влезе во коалиција со ВМРО-ДПМНЕ, две, условно кажано, националистички концепти. Ние за првпат влегуваме во една предизборна коалција која ќе понуди програма за рамноправен економски развој, за правда за сите, за реформи на правниот систем за да нема повеќе монтирани случаи, законот да биде еднаков за сите, и да не се случи индивидуи да бидат над законот, што беше случај до 2016 година, кога власта ги зафати сите институции, пособено судско правните, вели Касами.