КАРАНТИН ЗА ВИКЕНД ВО КУМАНОВО: Како се снајдоа постарите луѓе за купување намирници?
Објавено во: Македонија, Корона Вирус 06 Април, 2020 06:57
Куманово викендот го помина во карантин со цел да се спречи ширењето на заразата со Ковид 19.
Од петокот во 21 часот, па сѐ дeнес до раните утрински часови беше забрането движење. Пред да стапи на сила строгиот полициски час, повеќето граѓани направија редици пред маркетите за да си купат храна.
„Во градот сигурно има постари луѓе, пензионери кои живеат сами и на кои нема кој да им купи храна, иако ние како здружение немаме точни податоци. Луѓето се навикнати, во петокот си купуваат храна со надеж дека во сабота ќе го сторат истото, но овој пат мерката за карантин ги изненади. Можеби требаше да се соопшти порано, за да имаат време да си обезбедат намирници. Во Куманово, Липково и Старо Нагоричане имаме околу 15.000 пензионери“, вели Благе Јакимовски, претседател на Здружението на пензионери Куманово.
Дел од граѓаните навреме си купиле резерви со храна, а дел тоа го направија во последен момент.
„Ние имаме храна дома, се снајдовме, имам и две постари лица дома, но добри сме“, вели Снежа Димитриевска, граѓанка.
Луѓето кои се во ризична група, спасот го бараат во рурални средини, каде нема заразени.
„Откако заразата се прошири во Куманово, заминав во село Пелинце со сопругата. Јас имам 76 години, а таа 70 години, и природно имунитетот ни е ослабнат, имаме проблеми со дијабетес. Куманово за кратко време стана рекордер со бројот на заразени. Во селото имам пристап до интернет, следам медиуми, и сите препораки на Владата, се почитуваат со една железна дисциплина. Што се однесува до набавка на храна и лекови, имам список, и децата ме снабдуваат. На две недели набавуваме храна“, раскажува Бранко Тасевски, пензионер.
Од Општина Куманово информираат дека досега за социјално загрозените граѓани се поделени вкупно 300 пакети. Од нив 100 пакети се поделени викендов, и тоа 60 во саботата и 40 во неделата, со помош на Црвен Крст и Општинскиот кризен штаб.
Претходно 100 пакети се поделени со Црвен Крст и 100 пакети со маркети Елида.
Уште од 22 март општинскиот штаб за заштита и спасување бараше ограничување на движењето во градот.
Во градот има над 100 заболени, и неколку смртни случаи.
Во Дебар, стававањето на градот во карантин даде резултати.
Сања Атанасовска* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Исповед на Надалина, ќерката на актуелниот градоначалник на Кочани која ја преживеа трагедијата: Последната слика на која се сеќавам е луѓе како врескаат, обидувајќи се да излезат
(ВИДЕО) ОГРОМНА ПУКНАТИНА ВО ЛИПКОВО: Жителите се вознемирени
Прекршочна за Менди Ќира и Општина Струга: На прославата за Денот на алабнското знаме изостана македонското знаме
ЛЕКОВИ, ЦИГАРИ, ЖЕСТОКИ ПИЈАЛОЦИ, ЌИЛИМИ - Цариниците со голема заплена, еве каде биле скриени предметите
КАКО ЌЕ ВОЗАТ АВТОБУСИТЕ НА ЈСП ВО ПОНЕДЕЛНИК? Еве како празнично ќе се работи
Се огласи Зоран Заев: Никола, до сега ќе си го одлежеше затворот и ќе беше слободен во Македонија
„АКО ИТАЛИЈА СЕ СПРАВИ СО КОЗА НОСТРА, МОЖЕМЕ И НИЕ СО МАФИЈАТА НА ВМРО-ДПМНЕ“: Филипче најави „бомби 2.0“
КРИВИЧНА ПРИЈАВА ЗА ДИРЕКТОРКА НА СРЕДНО УЧИЛИШТЕ ОД ДЕЛЧЕВО - МВР ја товари за „фалсификуван тест за англиски“
ЕУ ДА ИЗВРШИ ПРИТИСОК ВРЗ ТИЕ ШТО ГО БЛОКИРААТ ПРОЦЕОТ НА ПРОШИРУВАЊЕ: Николоски - Македонија одамна засужила да ги почне преговорите
