Караџовски им вети на вработените во судовите дека денес ќе земат плата
Објавено во: Македонија 13 Април, 2017
Вработените во судовите денеска ќе ја добијат изработената мартовска плата, потврди Претседателот на Судскиот совет, Зоран Караџовски, откако СУТКОЗ алармираше дека пред Велигден судските работници ќе останат без плата, како и без ветеното покачување од 10%.
„Мартовската плата ќе легне на сметките денес до 16 часот, ако веќе не е прокнижена.За жал, исплатата на додатокот од 10 отсто е одложена поради технички причини со Министерството за финансии“, уверува првиот човек на Судскиот совет.
Караџовски не сакаше да објасни,за какви технички проблеми станува збор,но потенцираше дека не е во прашање недостаток на пари. Сепак,тој не можеше да одговори дали „резервираните средства“ ќе бидат пренесени за идниот месец ,а со тоа и процентот на зголемување дали ќе биде поголем.
„Не можам да дадам конкретен одговор и како што изјавив неколку пати,секој месец ќе се прави анализа за состојбата на судскиот буџет и доколку има пари,ќе се донесе одлука за зголемување на надоместокот и за висината на процентот“,додаде Караџовски.