КАМЧЕВ СВЕДОЧИ: Му кажав на Заев за „Рекет“ - тој ме прати со доказите директно кај Рускоска

Добивај вести на Viber

Во тек е сведочењето на бизнисменот Орце Камчев за случајот „Рекет“ кој во суд сведочи сам без присуство на сопругата која не дошла бидејќи била болна.

Оштетениот во случајот открива нови детали непознати за јавноста а од она што можеше да се слушне е дека добил ветување по исплатата на милионот Катица Јанева се ќе среди заедно со обвинителката Лиле Стефанова.

„Одлучив се да пријавам кај премиерот. На средбата му кажав се. Тој беше запрепастен. Имавме и втора средба. Каде му покажав докази. Ми рече да му оставам неколку дена. После ми се јави и ми кажа сите докази да ги носам кај Рускоска. И така направив“ , посведочи Камчев.

Камчев истакна и дека Катица Јанева во една прилика во просториите на СЈО му рекла директно во очи : „Тоа што го договараш со Бојан да го завршиш“.

Меѓудругото Камчев открива и дека прв пат дознал дека е под ПИ мерки во август минатата година а го известил братот на судијката на претходна постапка Димишкова, кој бил адвокат и дека за застапување му побарал 100 илјади евра.

Боки13 прво му барал пари преку реклама

Бојан Јовановски прво ми побара пари, преку реклама, да уплатам во неговата телевизија.  Преку директорката во мојата компанија понудивме пари за реклама, рече сведокот на обвинителството Камчев при вкрстеното испрашување. 

- Подоцна таа ми кажа дека бил навреден од сумата од 40.000-50.000 евра, била мала и потценувачка. Подоцна тој бараше нова средба. Дојде со препишан бизнис план, за изградба на ВИП-фешн молови со скапи ресторани, продавници, да има телевизиско студио и модни ревии.  Прашав, имаш ли локација? Рече имам во Карпош, ама дека нема контакт повеќе со градоначалникот Стефан Богоев, бидејќи тој го заебал, а претходно му помогнал. Ја сврте последната страница од договорот, потпишан беше Лазар Јанев, синот на Катица. Сакаше да ми наплати 4 милиони евра, толку кошташе проектот, лиценцата за проектот. Ќе си имаш проблеми ако не го потпишеш. Не го потпишав, нормално, одговори Јордан Камчев.