Какво време ќе имаме пред и за Велигден?
Објавено во: Македонија 12 Април, 2017
Во Македонија денеска ќе имаме претежно сончево време со појава на локална облачност, топло и ветровито време. Ќе дува доумерен засилен северозападен и североисточен ветер кој ќе достигне брзина и до 25 км/ч. Минималните температури ќе бидат во пораст и ќе се движат од 3 до 11 степени, додека пак максималните дневни ќе бележат тренд на благо опаѓање ќе достигнат до 13 односно до 23 степени. УВ индексот ќе има вредност 6.
Во четврток ќе имаме претежно сончево време со појава на локална облачност и топло време со дневни температури од 17 до 26 степени. Претежно сончево време со локална облачност се очекува и во петок со идентични температури кои ќе се движат од 17 до 26 степени, со напомена дека во попладневните часови во североисточните и источните предели на Македонија постојат услови за локални врнежи од дожд. Во сабота и недела претпладне ќе биде претежно сончево со локална облачност, попладне нестабилно со врнежи од дожд. Утринските температури ќе се движат од 3 до 10 степени, а максималните дневни во сабота од 17 до 26 степени, а во недела ќе бидат во опаѓање и ќе достигнат до 15 односно до 24 степени. Во недела во западните како и во североисточните и источните предели постојат услови за поинтензивни врнежи, локално и до 15 литри.