Каква порака му испрати Брисел на Ердоган?
Објавено во: Балкан 18 Април, 2017
Дури само закажувањето на референдум за враќање на смртната казна во Турција ќе значи крај на преговорите за влез во ЕУ, изјави денеска портпаролот на шефот на Европската комисија, Жан-Клод Јункер.
Тој го нарече прашањето за смртната казна „најцрвената од црвените линии“ за преговорите, кои Турција ги води за влез во ЕУ од 2005 година. „
„Трансформацијата од реторика кон акција ќе биде јасен знак дека Турција не сака да е член на европското семејство“- изјави портпаролот.
Додава дека ЕУ е категорично против смртната казна и дека тоа е еден од основните принципи на Унијата и „симбол на Европа во светот“.
Портпаролот ги повика противниците и поддржувачите на промената на државно управување од парламентарна кон претседателска република во Турција, да покажат воздржаност.
„Ја охрабруваме Турција да се врати кон ЕУ, а не да се оддалечува уште повеќе и побрзо од нас“- изјави портпаролот на Жан-Клод Јункер.
Властите треба внимателно да ги одберат следните чекори, откако ќе се стремат кон што е можно поширок национален консензус, изјави портпаролот, повикувајќи се на малата разлика и далекусежните последици од референдумот во неделата.
Европската комисија ги повика турските власти да ги испитаат извештаите за нарушувањата на изборните правила утврдени од меѓународните набљудувачи од ОБСЕ.
Набљудувачката мисија објави дека референдумот е одржан по пониски од меѓународните стандарди. Се цитира и одлуката да се бројат и избирачките ливчиња кои немаат печати.
Претседателите на Европската комисија Јункер и на Европскиот совет, Доналд Туск досега не го следеле примерот на американскиот претседател Доналд Трамп, кој се јави на Реџеп Ердоган, за да го поздрави за исходот од референдумот.
Во меѓувреме европските либерали се приклучија на социјалистите во Европарламентот во барањето за прекин на преговорите за членство на Турција во ЕУ. За разлика од евросоцијалистите кои ја сакаат европската перспектива на земјата да биде одземена, откако уставните измени бидат прифатени, либералите инсистираат тоа да се случи веднаш. Нивниот лидер Ги Верхофстат инсистира ЕУ да ги преразгледа целосно односите со Турција.
Можеби ќе ве интересира
ВУЛИН: Она што Рама не можеше да го доживее во Тирана, го доживеа во Атина
КАКО АМЕРИКАНСКАТА АМБАСАДА ВО ЕДНА БАЛКАНСКА ДРЖАВА СЕ НАЈДЕ НА ЦРНАТА ЛИСТА НА ДОЛЖНИЦИ - си плаќаат даноци навремено и конзистентно
ШТО ЌЕ ПОДНЕСУВА СИРИЗА ВО ГРЧКОТО СОБРАНИЕ ВО ВРСКА СО МАКЕДОНИЈА ? Еве ги деталите
СЕКОЈ ТРЕТ НЕДВИЖЕН ИМОТ ВО ХРВАТСКА ГО КУПУВА СТРАНЕЦ: Еве ги најскапите квадрати на Јадранот
БЕБЕ ФРЛЕНО ВО КОНТЕЈНЕР ВО ХРВАТСКА - полицијата откри во која состојбата е новороденчето
СО ОВИЕ ВОЗИЛА НЕМА ДА МОЖЕТЕ ДА ОДИТЕ ВО ВАШИТЕ ОМИЛЕНИ МЕСТА ВО ГРЦИЈА! Новиот закон стапи на сила, се однесува на 2 категории возила, еве за што се работи
„ПОСТОЈАТ ПРАШАЊА ШТО СЕ НАД ВОЛЈАТА НА НОВОТО РАКОВОДСТВО НА СЕВЕРНА МАКЕДОНИЈА:“ Герапетритис за Преспанскиот договор
ВЕРОЈАТНО СФАТИ ДЕКА ЖИВОТОТ ЌЕ ГО ПОМИНЕ ЗАРОБЕН - Коста Кецмановиќ падна во депресија, не сака да разговара со никого
ЕВЕ КАКО БЕШЕ ПРЕЧЕКАН ЕДИ РАМА ОД АЛБАНСКАТА ЗАЕДНИЦА ВО АТИНА - реакции во грчките медиуми
