Како вработен во Влада го олеснил буџетот за 2 милиони денари?
Објавено во: Економија 23 Ноември, 2018
51 годишен Скопјанец ќе се гони за олеснување на Буџетот на Службата за општи и заеднички работи во Владата на РМ .
Сумата за која го оштетил буџетот е 2.079.471 денари а лицето со иницијали С.П. доби кривична пријава за злоупотреба на службената положба.
Како што соопштија од МВР тој од мај 2012 па се до август 2017 на непознати лица им дал да користат службени сим картички.
Тој , како што се додава ниту подготвил и потпишал реверси за задолжување со податоци и потписи на лицата, како и своерачно потпишани изјави од истите со кои се согласуваат во случај на пречекорување на ограничувањето на сметките за користење на телефонските броеви, разликата од утврденото ограничување и висината на сметката да им биде задржана од месечната плата a знаел дека телефонските броеви ги користат лица на кои што не им следуваат.