Како Стопанска Банка АД Скопје ќе ја распредели добивката од 36 милиони евра?

Добивај вести на Viber

Стопанска Банка АД Скопје по усвојувањето на годишната сметка и финансиските извештаји за 2016-та донесе одлука оданочената добивка од нешто над 36 милиони евра да ја подели на акционерите, а дел да ја префрли во акумулираната распределена добивка.

Според одлуката на Собранието на акционери на Стопанска Банка АД Скопје имателите на приоритетни акции ќе добијат дивиденда вредна 2,5 милиони денари или 11 денари бруто износ по акција.

- Дивидендата по приориретни акции се утврдува во висина на каматата на средствата (штедните влогови) на населението орочени на една година, зголемена за соодветниот процентен поен кој се утврдува со Одлуката за каматни стапки на СБ донесена од Комисијата за управување активата и пасивата на СБ. Од март 2006 година наведената каматна стапка се утврдува на 1 процентен поен. Истиот начин на пресметка на дивиденда беше применет и во текот на 2016 година. Основноциата на дивидендта е износот од 90,9 милиони денари, односно 227.444 приоритетни акции со номинална вредност од 400 денари по акција, соопштуваат од Стопанска Банка АД Скопје преку Македонска берза.

Драстично повеќе ќе добијат имателите на обични акции на Стопанска Банка АД Скопје кои ќе распределат дивиденда која ќе изнесува 2,2 милијарди денари. Бруто дивидендата ќе изнесува по 127 денари од акција, а исплатата ќе започне од 30 јуни со тоа што последен ден на тргување со право на дивиденда е 12 јуни, а прв ден за тргување без право на дивиденда е на 13 јуни. Вкупниот број на обични акции изнесува 17.460.180.

Преостатокот од добивката на Стопанска Банка АД Скопје кој вреди 22,3 милиони денари ќе биде распределен во акумулирана добивка. Одлуката за распределба на добивката е предложена од Надзорниот и Управниот одбор, како и од Собранието на акционери на Стопанска Банка АД Скопје.