КАКО ПРЕЖИВУВААТ: За храна дневно соседите трошат по два евра
Објавено во: Економија, Балкан 30 Мај, 2017
Србите се сиромашни и со малку пари го поминуваат денот.
На удар е и младата популација. Финансиите не дозволуваат да се купува нешто луксузно.
На граѓаните на Србија трошоците за храна и пијалоци им се речиси 35% од буџетот, што покажува дека животниот стандард е близу границата на сиромаштија, објави Војводинскиот истражувачко аналитички центар (ВОИЦЕ).
Тие трошат помалку од две евра дневно на храна или 80 динари по оброк.
„Притоа граѓаните на Србија трошат повеќе отколку што заработуваат и се повеќе тонеме во социјално раслојување и нееднаквост. Експерти предупредуваат дека живееме во еден вид пензионерска економија, а младите се најсиромашни“- наведуваат од ВОИЦЕ.
Анализите на податоците покажуваат дека секој член на домаќинство месечно за храна и пијалоци троши 59 евра. Голем дел од населението не можат да си дозволат месо, млеко, овошје, зеленчук и други најважни намирници.
Од ВОИЦЕ споредуваат дека граѓаните на ЕУ за храна трошат 19,4% од домашниот буџет, а во Србија 34,9%.