Како ќе бидат заштитени од фалсификат новите евробанкноти?

Добивај вести на Viber

По новите банкноти од пет евра, Европската централна банка (ЕЦБ ) се очекува од оваа есен да ги пушти во оптек и новите банкноти од по десет евра. Тие ќе имаат подобра заштита и поголема долговечност . По нив, ќе бидат заменети и другите евробанкноти - од по 20, 50 , 100 и 500 евра . "Новите" банкноти се дел од таканаречената серија " Европа" на ЕЦБ . Ја нарекуваат така поради сликата на митолошката божица Европа , чиј портрет е меѓу дополнителните заштитни знаци на новите евробанкноти. Предметната слика е донесена од една стара вазна, најдена во јужна Италија , која е стара повеќе од 2000 години. Сликата на божицата се појавува како воден печат и како слика во холограмски шари. Има и други заштитни знаци кои ја прават серијата "Европа" тешка за фалсификување . На краевите на новите банкноти има на пример, релјефни линии кои се чувствуваат кога човекќе стави рака на нив. Покрај тоа, цифрената слика на банкнотата одразува светлина . ЕЦБ со години вложува напори да се заштити еврото од фалсификување. Во исто време и фалсификатите кои се откриваат во трговската мрежа , стануваат се повеќе квалитетни . На каква лажна банкнота можете да наидете најчесто? Лео Клајнхаус од Федералната криминална служба вели: " По воведувањето на еврото во 2002 веднаш се појавија и фалсификати , но повеќето од нив беа многу примитивни. Подоцна , меѓутоа, беа развиени методи на печатење , со кои фалсификатите се повеќе се доближија до оригиналите". На сличен начин веројатно ќе се одвиваат работите и по воведувањето на новите десетки, сугерира експертот. Додека "старите" банкноти од по десет евра излезат конечно од оптек , фалсификаторите ќе имаат можност да ги стават во употреба веќе произведените апоени. Безбедноста на евровалутата ќе се зголеми радикално, дури кога во оптек ќе влезат и новите банкноти од по 20 и 50 евра, кои се најчесто користените комерцијално. Тие се и најчесто предмет на фалсификување. Освен што ќе бидат подобро обезбедени од фалсификување, новите пари ќе бидат и подолготрајни. Досегашните ситни апоени од по 5, 10, 20 и 50 евра, кои најчесто минуваат од рака во рака , се изнесуваа само по две - три години. Најдоцна по четири години се наложуваше тие да бидат заменети. Новата серија банкноти сепак има специјален лак, што ги прави подолготрајни.   А.А.