Како бројот на муслимани во европските земји ќе расте?
Објавено во: Свет 14 Декември, 2016
Европски држави, меѓу кои Франција, Белгија, Германија и Велика Британија, ја проценија големината на муслиманските заедници, кои живеат во нив и темпото со кое тие ќе се шират.
Ова го покажува истражувањето на агенцијата Ipsos Mori, цитирано од британскиот весник „Гардијан". Во него се мери разликата помеѓу јавната перцепција и реалноста во 40 држави.
Според просечниот француски државјанин, 31% од населението се муслимани. Според податоците на аналитичкиот центар „Пју" сепак муслиманското население во земјата е околу 7,5% за 2010 година, или еден на секои 13 луѓе.
Француското население исто така има и најголеми очекувања за тоа до кој степен ќе се зголеми бројот на муслиманите во земјата до 2020 година. Мислат дека муслиманите ќе станат 40% од населението, што е скоро пет пати повеќе од очекуваните 8,3% од „Пју".
Французите сепак не се единствените кои имаат такво погрешно разбирање - Италијанци, Германци и Белгијци исто претпоставуваат дека над една петтина од населението на земјата се состои од муслимани, додека во реалноста тоа е од 3,7% во Италија и до 7% во Белгија .